മിക്കവാറും വീക്കെന്റുകളില് ഞാന് സ്മിജിത്തിന്റെയൊപ്പം കടമ്പഴിപ്പുറത്തുള്ള അവന്റെ വീട്ടിലേക്ക് പോവാറുണ്ടായിരുന്നു പണ്ട്.അവന് അവന്റെ ചേച്ചിയുടെയും അളിയന് ബേബിയേട്ടന്റെയും ഒപ്പം താമസിച്ച് പഠിച്ചിരുന്ന കാലം.
കടമ്പഴിപ്പുറം നല്ല സ്ഥലമാണ്,നല്ല നാട്ടുകാര്...അവിടേം കൂട്ടുകാരായി...സ്മിജിത്തിന്റെ വീടിന്റെ എതിര് വശത്ത് ഉള്ള വീട്ടിലെ ഒരു പെണ്കുട്ടിയായിട്ടും കമ്പനിയായി.കമ്പനീ-ന്നു വെച്ചാല് വഴീന്നു കാണുമ്പോള് "സുഖല്ലേ? പഠിത്തൊക്കെ എങ്ങിനപോണൂ-ന്നുള്ള ടൈപ്പ് ക്വസ്റ്റ്യന്സ് മാത്രം ...
പേര്...വേണ്ട...(പാവത്തിന്റെ ലൈഫില് വെറുതെ കോക്ക്രോച്ചിനെ ഇടണോ)നല്ല കുട്ടി.കാണാന് നമ്മടെ മഞ്ചു വാര്യര്-ടെ ഒരു ഫേസ്ക്കട്ട്...(ആരും തെറ്റിദ്ധരിക്കണ്ട ഉള്ള കാര്യം പറഞ്ഞൂ-ന്നേ ഉള്ളൂ)ങാ-ലൈഫ് അങ്ങിനെ മുന്നോട്ടു പോവുന്ന സമയം....ഐതിഹ്യമാലയിലെ വരരുചിയുടെ പന്ത്രണ്ട് മക്കളിലെ യംഗസ്റ്റ് സണ് വായില്യാക്കുന്നിലപ്പന്റെ അമ്പലം കടമ്പഴിപ്പുറത്താണ്...
ഒരു ഉത്സവകാലം...
ടൗണീന്ന് ഞങ്ങള് ഫുള് ബറ്റാലിയണ് ബേബിയേട്ടന്റെയും സ്മിതച്ചേച്ചിയുടെയും ഒപ്പം ഹാജരുണ്ട്।ഞങ്ങള് പിള്ളേര്സെറ്റ്,ബേബിയേട്ടന്റെ ഒപ്പം മുകളിലത്തെ മുറിയിലിരുന്നു നല്ല പനംകള്ള് കുടിക്കുന്ന സമയം,പെട്ടെന്ന് മിന്നായം പോലെ ഒരു പച്ചപ്പാവാട റൂമിനു മുന്നില് മിന്നി മാഞ്ഞു...
പിന്നെ കേള്ക്കുന്നത് മലമ്പുഴ ഡാമിന്റെ ഷട്ടര് തുറക്കുന്ന സൗണ്ടില് ഒരു കരച്ചില്।എല്ലാവരുമോടി പുറത്ത് വന്നു നോക്കിയപ്പോള് നല്ല ഡി.ടി.എസ് സൗണ്ടില് കരഞ്ഞു വിളിക്കുന്ന നമ്മുടെ മഞ്ചു വാര്യര്.മാറി മാറി ചോദിച്ചിട്ടും കക്ഷി ഒന്നും അങ്ങ്ട് വിട്ടു പറയ്ണില്ല്യ
"ങാ-ന്നാപ്പിന്നെ നീ നിന്നങ്ങ്ട് കരയ്-ട്ടോ കുട്ട്യേ" ന്നും പറഞ്ഞ് ഞങ്ങള് അടുത്ത കള്ളു കുടോം തപ്പിപ്പോയി.
ഞങ്ങള് പാലക്കാട് തിരിച്ചെത്തി ഒരാഴ്ച കഴിഞ്ഞു।ഞാന് ബാംഗ്ലൂരുള്ള വല്യമ്മേടെ അങ്ങോട്ട് പുറപ്പെട്ട് കൈയ്യിലൊരു ബാഗുമായി ബേബിയേട്ടന്റെ ക്വാര്ടേഴ്സിലെത്തി.(ഇന്നലത്തെ ബാലന്സ് ഹണീബീ-ണ്ടെങ്കില് 2 എണ്ണം അടിക്കാം ന്നൊരു ചിന്തയുമില്ലാതില്ല.)
എന്നെ കണ്ടപാടെ ബേബിയേട്ടന് ഒരു ചോദ്യം:"എങ്ങ്ട്ടാടാ ഒളിച്ചോടിപ്പോണത്?"
ഒളിച്ചോടിപ്പോവ്വ്വേ....ഞാനോ...എന്റെ കൃഷ്ണാ....വീട്ടീന്ന് 3 നേരം സുഭിക്ഷ ഭക്ഷണം,ലാലേട്ടന്റെ പുതിയ പടം റിലീസിംഗ് ഷോയ്ക്ക് തന്നെ കാണല്,ബേബിയേട്ടന്റെ കൂടെ ഇടയ്ക്കിടെയുള്ള കള്ളുസഭ-ഇങ്ങിനെയുല്ല ആര്ഭാടങ്ങളൊക്കെ ഉപേക്ഷിച്ച് ഞാന് ഒളിച്ചോടിപ്പോവ്വ്വേ
???"എന്താ ബേബിയേട്ടാ കാര്യം???''ഞാന് വളരെ നിഷ്കളങ്കമായി ചോദിച്ചു...എന്താ കാര്യം-ന്ന് അറിയില്ല്യാല്ലോ?
"എത്ര കാലായെടാ നീയും ആ മഞ്ചു വാര്യരും തമ്മിലുള്ള ചുറ്റിക്കളി തൊടങ്ങീട്ട്???"
"ദൈ....വ... മേ ചുറ്റിക്കളിയോ "
ഏതു നിരീശ്വരവാദിയുംദൈവത്തെ മനസ്സറിഞ്ഞു വിളിച്ചു പോവുന്ന സുവര്ണ്ണ സുരഭില മുഹൂര്ത്തം...
"എനിക്കൊന്നും അറിയില്ല ബേബിയേട്ടാ"
"ന്ന്ട്ടാടാ അവള്-ടെ തന്ത കള്ളും കുടിച്ച് ടൗണില്ള്ള മേനോന് കുട്ടി അയാള്-ടെ മോളെ കല്യാണം കഴിക്കും-ന്ന് പറഞ്ഞ് നടക്കുന്നത്???"
അവള് എല്ലാ ആഴ്ചയും ടൈറ്റാനിക്കിലെ റോസിന്റെ ചേല്ക്ക് കടമ്പഴിപ്പുറത്ത് എന്നെയും കാത്തിരിക്ക്യാണത്രേ...ഞാന് കള്ള് കുടിക്കണ കണ്ടതോണ്ടാണാത്രെ അന്ന് കരഞ്ഞത്...
ഗുരുവായൂരപ്പാാാാാാാാകല്യാണോ...ഈ 19-ാം വയസ്സിലോ....!!!
ചെറിയ പ്രായത്തില് ആള്ക്കാര്ക്ക് ഹാര്ട്ട് അറ്റാക്ക് വരുന്നത് എങ്ങിനെയാണെന്ന് ഇപ്പൊ മനസ്സിലായി।അല്ലെങ്കിലും സംസാരിക്കണ പെണ്കുട്ട്യോളെയൊക്കെ കല്യാണം കഴിക്ക്യാാാ???അങ്ങിനെയാണെങ്കില് ഞാനിപ്പൊ പുരാണത്തിലെ കാര്ത്ത്യവീര്യാര്ജ്ജുനന്റെ ചേല്ക്കാവണാല്ലോ- ന്നൊക്കെ ഓര്ത്തോണ്ട് നില്ക്കുമ്പോള് ബേബിയേട്ടന് പിന്നേം ഉവാച :
നിനക്ക് ഇതില് മനസറിവൊന്നുമില്ലെങ്കില് കുഴപ്പമില്ല...ഞാന് നോക്കിക്കോളാം...നീ ബാംഗ്ലൂര് പോയിട്ട് വാ"
"ഹാവൂ!!! തലവെട്ടാന് വിധിച്ചവന് പൊതുമാപ്പ് കിട്ടിയ മാനസികാവ്സ്ഥയായിരുന്നു എനിക്കപ്പോ।കാരണം ബേബിയേട്ടന് ഒരു കാര്യം ഏറ്റെടുത്താല് അതു തീരുമാനാവും-ന്ന് എല്ലാവര്ക്കും അറിയാം.ബാംഗ്ലൂരെത്തി 2 ദിവസം കഴിഞ്ഞിട്ടാണ് എന്റെ ഷോക്ക് മാറിയതെന്നു പറഞ്ഞാല് ഈ കഥ വായിച്ച നിങ്ങള്ക്ക് ഇപ്പൊ മനസ്സിലാവുല്ലോ-ല്ലേ???
പിന്നെ ബേബിയേട്ടന് അവളേം,അവള്ടെ അച്ഛനേംകാര്യങ്ങള് പറഞ്ഞു മനസിലാക്കി,അവള്-ടെ കല്യാണം കഴിഞ്ഞൂ-ന്നൊക്കെ സ്മിജിത്ത് പറഞ്ഞറിഞ്ഞു.
പിന് കുറിപ്പ്: ഒന്നൊന്നരക്കൊല്ലം മുമ്പ് നമ്മുടെ മഞ്ചു വാര്യരെ പിന്നേം കണ്ടു.ഒക്കത്തൊരെണ്ണം,കൈയ്യിലൊരെണ്ണം.എന്തു പറഞ്ഞ് എന്നെ പരിചയപ്പെടുത്തും ന്ന്ള്ളതോണ്ടാവും ഒന്നും മിണ്ടീല്യാ
Thursday, November 15, 2007
കടമ്പഴിപ്പുറത്തെ മഞ്ചു വാര്യര്
Posted by പാവം ഞാന്!!! at 11:57 PM
Subscribe to:
Post Comments (Atom)
6 comments:
അനുഭവക്കുറിപ്പ് കൊള്ളാം... പാവം മഞ്ജു വാര്യര്!
:)
വെറുതെ പെന്പിള്ളാരെ പഞ്ഞാരയൊക്കെ അടിച്ചു കൊതിപ്പിച്ചിട്ട് ... :-))
ഒരു കടമ്പഴിപ്പുറത്തുകാരന് ഇതു വഴി വന്നു പോയി ട്ടോ.. :)
രക്ഷപ്പെട്ടു..!
ആരാ..!?
haha...
ezhuthu ushaar aanu llo!
aasamsakal. ineem ezhuthu. chada padennu ponnotte.
manju nte spelling.. onnu nokkikko ttaa.. ithu manja yude spelling alle?? ;)
postolu ishtaayi.
ഷോക്കായിപ്പോയീന്നൊക്കെ പറഞ്ഞത് വെറുതെ, കൊച്ചുകള്ളന്, എല്ലാവരും കൂടി കെട്ടിച്ചുതന്നാല് കൊഴപ്പംല്യായിരുന്നൂന്നൊക്കെ ഇണ്ടായിരുന്നു മനസ്സില്, പക്ഷെ അതൊക്കെങ്ങന്യാ ശര്യാവാ എന്ന ഒരുതോന്നലില് ബാംഗ്ലൂര്ക്ക് മണ്ടിയത് ഓക്കെ.
ഞാന് തമാശ പറഞ്ഞതാ ട്ടാ.... നന്നായിട്ടുണ്ട്.
Post a Comment